As empresas de residuos sólidos están a atopar novos usos para os drons dentro da súa industria. Un dos máis frecuentes é a toma de fotografías ou a realización de vídeos de grandes instalacións de reciclaxe, onde estes aparellos poden localizar zonas pouco accesibles para permitir a solución de problemas.

Anne Germain, directora de tecnoloxía de residuos e reciclaxe do National Waste & Recycling Association, afirma que "se prevé que os avións non tripulados dispoñerán de dispositivos GPS, cámaras de imaxe térmica e sensores para monitorar lugares que poderían aforrar os custosos traballos que se realizan actualmente a pé sobre terreos accidentados".

David Biderman, director executivo da Asociación de Residuos Sólidos de América do Norte sinala que os drons  son cada vez máis utilizados en instalacións de eliminación de refugallos co fin de proporcionar imaxes en tempo real do que está a suceder nestes lugares, xa que "axudan aos operadores de vertedoiros a maximizar o espazo aéreo, avaliar a estabilidade das pendentes e monitorar as operacións das súas instalacións en canto a erosión, líquidos estancos e puntos quentes", e, engade, ?son particularmente útiles para realizar avaliacións de danos despois de acontecementos meteorolóxicos importantes". Os datos achegados por drons resultan "máis eficientes, máis baratos e precisos"  á vez que "reduce os riscos para o persoal que doutro xeito estaría obrigado a cruzar un terreo irregular."

Con todo, non todos ven o emprego desta tecnoloxía de maneira positiva. "Os drons tamén crear preocupacións sobre a privacidade, seguridade e protección, posto que poden voar sobre a propiedades privadas sen os permiso oportunos" di Germain. A isto debemos sumar o elevado custo do seu uso, aínda que como indica Biderman, "a medida que o custo da tecnoloxía diminúa, que veremos unha expansión no uso de drons na industria de residuos".

Vía: Gestores de Residuos