As formigas son as responsables de xestionar máis da metade dos residuos alimenticios do chan na selva tropical, co que desempeñan un papel crave á hora de manter un ecosistema saudable, segundo un estudo da Universidade de Liverpool, que publica a revista Journal of Animal Ecology.

Así, a investigación, na que colaborou tamén o Museo de Historia Natural de Londres , expón que os investigadores realizaron un estudo a gran escala nos bosques tropicais de Borneo (Malaisia) e concluíron que as formigas por si soas eran responsables de eliminar máis da metade dos residuos alimenticios do chan da selva tropical.

Ademais, o resto dos residuos encargáronse de eliminalos o resto de animais, entre mamíferos, aves e outros vertebrados e invertebrados. Os refugallos e tamén recursos que xestionaron as formigas, inclúen desde animais mortos, sementes ou froitas.

A investigadora da Universidade de Liverpool Liverpool a ecóloga Kate Parr destacou que o movemento, consumo e reciclaxe de material orgánico morto dos ecosistemas é "importante" porque facilita a redistribución e a descomposición dos nutrientes, xa que as formigas recollen os refugallos e lévanos aos seus niños, crean despensas de nutrientes onde as plantas e os microbios prosperan. Así, consideran que isto mantén un chan diverso e san.

Así mesmo, engadiu que a falta de formigas, ningún outro animal pode compensar esta función polo que se as formigas non estaban a limpar ou eliminando os refugallos, o material orgánico morto, este acumularíase e descompoñeríase máis lentamente in situ, polo que se crearía un ambiente de chan máis homoxéneo e menos diverso.

Pola súa banda, a autora principal do estudo, a doutora Hannah Griffiths, da Facultade de Ciencias Ambientais da Universidade, engadiu que este traballo é importante porque os bosques tropicais son algúns dos ecosistemas máis ameazados do planeta e perden especies a un ritmo alarmante.

Por iso, considera que entender "exactamente" que papel xogan diferentes animais nos ecosistemas é similar a poñer pezas dun crebacabezas "incriblemente complexo". "Cantas máis pezas teñamos, mellor veremos o cadro completo e entenderemos como funciona o sistema. Predicir as consecuencias das perdas de especies e crear medidas para mitigar as consecuencias negativas dos impactos humanos nos ecosistemas", manifestou.

Vía: Gestores de Residuos