O concello de Santa Comba puxo en marcha o programa de promoción da reciclaxe e da responsabilidade medio ambiental denominado “Tropa Verde”, que foi presentado este xoves na dependencias municipais pola alcaldesa  xalleira, María Pouse, o edil Francisco Ameijeiras, a técnico de medio ambiente Inmaculada Barcia e as representantes da empresa  Teimas, Marta Morán e Cristina Vázquez.

Tropa Verde é unha iniciativa, a través da cal os cidadáns recibirán premios por depositar os seus residuos no Punto Limpo, en varios locais que actúan como colectores de pilas, ou na sede de Cáritas (recollida de roupa, calzado e complementos). Deberán rexistrarse en  https:// santacomba. tropaverde. org e con cada entrega, recibirán puntos que posteriormente poderán trocar por agasallos ou descontos nos vinte comercios que participan no programa.

Estes son os establecementos que participan en Tropa Verde: Foto  Teca,  Pisotones,  Pekenos, Deportes Alvite,  Tanara, Óptica Xallas,  Agroveterinaria Xallas, Informática  PC Plus, Droguería Rieiro, Talleres Constantino Amigo, Restaurante Tío Paco, Óptica Pose,  Namaste,  Enxebre,  Quercus,  Ortopedia Pose,  Opticalia Santa Comba,  Mobles Lois  renting, Selección  SC(Distribucións San Cristóbal),  PSI.Terapia e Formación. A relación podería aumentar con novos comercios.

Tropa Verde está a funcionar nos concellos de Santiago, Ames, Lugo, Redondela, O Porriño, Vilagarcía de Arousa e Marín.